Mantra Ajian (Pengertian, Ciri-ciri, Fungsi Kagunaan, Contoh)

Pengertian, Ciri-ciri, Fungsi Kagunaan, Contoh Mantra Ajian

www.extapia-sundanese.blogspot.com



بِسۡمِ ٱللَّهِ ٱلرَّحۡمَٰنِ ٱلرَّحِيمِ

Pengertian, Ciri-ciri, Fungsi Kagunaan, Contoh Mantra Ajian. Sing éling-éling nu namina mantra pastina musyrik tuluy musyrik téh dosa, naha atuh bet dibahas? Da ieu mah kanggé élmu jeung ieu téh kaasup kurikulum sakola.

A. Pengertian Mantra Ajian

Ajian mangrupa mantra anu dipapatkeun kalawan maksud pikeun kakuatan, kabedasan, jsb. Nurutkeun Rusyana ngaliwatan Nurléla (2008: 14) ajian mangrupa mantra nu dipakéna pikeun meunang kakuatan pribadi, sangkan jejem, gedé sima, boga pangabaran, ludeungan, henteu keuna ku rupa-rupa balai jeung wisaya, bedas jeung awét ngora. Kitu deui pikeun meunang karahayuan, pikeun ngajaga lembur, rajakaya, pepelakan, jeung ingon-ingon.

Karéréaana mah ajian téh dipakéna geusan meunang karahayuan jiwa, raga jeung pakaya. Tapi aya ogé anu sok dipaké pikeun maksud nandasa nu lian, nya éta ajian-ajian anu sok diparuhit ku tukang teluh. Ieu di handap conto ajian pikeun meunangkeun kakuatan pribadi

B. Ciri-ciri Mantra Ajian

Ciri-ciri Mantra Ajian, nyaéta :

- Isi mantrana barupa Kakuatan-kakuatan

- Isi mantrana biasana téntang jelma-jelma baheula anu dianggap miboga kakuatan sakti

- Biasana ditujukeun kanggé meunang kasaktian

C. Fungsi kagunaan Mantra Ajian

Ajian miboga sawatara watek atawa perbawa. Aya ajian-ajian nu gunana pikeun :

kanuragan (teu teurak ku rurupa pakarang), 

kawedukan atawa kadugalan (kakuatan badan pikeun galungan fisik), 

Kasaktén (leumpang di cai, mecah raga, jsb),  

Panglimunan (teu katingali ku musuh atawa batur), 

Panyirepan (gendam, nyieun batur teu sadar, linglung, saré),

Paneluhan (sangkan batur/musuh gering, cilaka, atawa palastra), 

Pangabaran(meruhkeun, ngadalikeun, atawa ngabendung daya-daya ajian lian), 

Panglumpuhan(meruhkeun daya raga musuh atawa nu maksud jahat), 

Parewangan (meruhkeun lelembut, jin, demit, jsb),  jll.

D. Contoh Mantra Ajian

Contoh Mantra Ajian :

Ajian Ngarah Kuat Badan Bismillahirrahmanirrahim, alingan isun maring Gusti nyawa Nira, di katuhu malaékat Sang Seda Tuhu, Katuhueun ing manusa. Alingan isun maring Gusti nyawa nira, ti kénca malékat Sang Seda Lenyep, kalenyepan ing manusa. Alingan isun maring Gusti nyawa sira, ti handap malaékat seuseup dampal, malaékat Sang Seda Rasa. Alingan isun maring Gusti nyawa nira, ti tukang malaékat banding gorda(garba?) malaékat Sang Seda Kenyang, kekehyangan ing manusa. Alingan isun maring Gusti nyawa nira, ti hareup malaikat puncering amarah, tutupi angliputi. Alingan isun maring Gusti nyawa nira, ti luhur malaikat Sang Seda Liput, kaliputan ing manusa Alingan isun maring Gusti nyawa nira, ditutup ku ibu, disangga ku rama, La illaha ilallah Muhammadarrasulullah.

Ajian Sangkan Tohaga Ieu elmu katimbunan Badan kuat teu karasa Duk sakumpul asa kapuk Duk sarempang asa kapas Ampulna hampangna Ku pangaresa Alloh sorangan. Ajian Halimunan Les peteng nu peteng Les leungit tandana peteng Nini Hanatik leutik Asup kana ruas leutik Awaking Si Raga Ruas Ajian pikeun kabedasan Dampal suku ngabatu datar Bitis batu wilis Nyurup ka badanna Nyurup ka sungsumna Getih sabadan Bulu sabadan Bedas ngala ka aki Bismillah (Sumarsono,1983) Paranti Asup kana Bilik Les peteng nu peteng les leungit tandana peteng Nini Hanatik leutik asup kana ruas leutik awaking Si Raga Ruas (tina Naskah Kumpulan Mantra:29)

Mantra Aji Cakra

Ini Panyukat Aji Cakra
Ku Si Naga Nagini
Sang Manon Sang Matongton
Cupu bahuk udang lulus
Ila-ila ku Sang hyang Waruga Bumi
Ila-ila ku Sang Hyang Waruga Lemah
Satitis Waruga Bumi
Satitis Waruga Lemah
Sang awaking na tutunggul
Megar catang megatkeun apus
Kayu pupug kayu sepug
Kayu ku si balebatan
Kayu ku si Kahuripan
Hurip bayu

Kumeleper buyut agul
Nu neureuy bwana ini
Saha nu kolot sorangan
Basa keur cang keur bungbang
Basa keur lemah.
Langit ngarus Sri Lenggang
Sri maya lenggang
Ngaran lemah caki
Sri Man Sri Wacana
Sri Baduga Maharaja
Sang Ratu Hyang Banaspati
Nu nyahleur di Rancamaya
Ditutug Watubeusi.

Hong hakasa dewakata
Turun bayu ngawisesa awaking
Turun murba ka bwana panca tengah
Ya piyangpi geni,
Ya husipat bwana,
Ya hucaya ning bwana,
Ya husipat langgeng,
Nu ngawisesa di bwana

Sang ratu Libung Gumur
Nu temetes saking Meukah
Nu mungguh saking kidul
Dat muliya sapurna hidattulah

Sang Ratu Kilat Barahma,
Nu temetes saking Meukah
Nu mungguh saking kaler
Twa Darma Makilat
Tumurun saking Meukah,

Nu mungguh saking wetan.
Twa jempi larang,
Tumurun saking Meukah.

Hé Sang Bapa Putih
Sang Baga lumenggang
Rat muta rat mutayu,
Rat saking urip.

Cuplikan Koropak 421
Sumber : Kosmologi Sunda, Undang A. Darsa & Edi S. Ekadjati, Kiblat – 2006
Disadur ku : Rakean

Ajian Prabu Siliwangi

Sir, aing, Prabu Siliwangi

Cipta aing Nabi Adam

rasa aing Rasulullah

ya Allah, ya Rasulullah

tiba jenengan Prabu Kean Santang Maring Ingsun

kedét aing Ratu Galuh

kiceup aing Prabu Tajimaléla

Itu nu hurung di luhur

éta nu hérang di handap

nu hibar di tengah-tengah

nya aing Sang Ratu Gumala putih

nyatana ti poé kemis

nya aing Sang Ratu Gumala Putih

nyetana di poé jumaah

Tos sakitu anu tiasa ExTapia sampekeun dina ieu artikel, kurang lewihna hapunteun. Upami aya nu butuh Unsur-unsurna, Analisis Unsuran, Kacindekan atanapi nu sanesna eta mah tiasa kuhideup masing-masing atanapi lewatan mun dipiwarang jieun makalah atawa laporan mah. Da ayana dina artikel oge ngan sakieu nya rek kumaha deui. Pengertian, Ciri-ciri, Fungsi Kagunaan, Contoh Mantra Ajian.